Keyn «Viking» bilan durang haqida fikr bildirdi
«Bavariya» hujumchisi Harri Keyn Chempionlar ligasi-2026/2027 mavsumi umumiy bosqichining 2-turida «Viking»ga qarshi kechgan va 3:3 hisobidagi durang bilan yakunlangan uchrashuv haqida fikr bildirdi.
«Albatta, natijadan xafamiz. O‘yinni yaxshi boshlay olmadik va juda ko‘p xatolarga yo‘l qo‘ydik. «Viking» himoyada yaxshi harakat qildi va hujumda o‘z imkoniyatlarini kutib o‘ynadi.
Ikkinchi bo‘limda raqibdan to‘liq ustunlik qildik, o‘z o‘yinimizni topdik va raqib darvozasi oldida ishonchli harakat qildik. Ammo keyin qizil kartochka butun vaziyatni o‘zgartirib yubordi. Bunday o‘yin bilan g‘alaba qozonishimiz kerak edi. Biroq, atigi bir ochko qo‘lga kiritdik va oldinga harakat qilishda davom etamiz», — deya Keynning so‘zlarini UEFA rasmiy sayti keltirmoqda.
Chempionlar ligasi umumiy bosqichining 3-turida «Viking» «Aston Villa» bilan, «Bavariya» esa «Arsenal» bilan bahs olib boradi. Har ikki uchrashuv 21 oktabr kuni bo‘lib o‘tadi.
