Keyn faoliyatidagi 500-golini urdi

Harri Keynning "Verder" darvozasiga urgan ikkinchi goli u uchun yubiley gol bo‘ldi.

"Bavariya" hujumchisi Bundesliga doirasidagi uchrashuvning 22-daqiqasida dastlab o‘n bir metrlik jarima zarbasini aniq amalga oshirdi, 25-daqiqada esa Luis Diasning uzatmasidan unumli foydalangan holda o‘yindan gol urdi.

Endilikda ingliz futbolchisining hisobida turli klublar va terma jamoa safidagi professional faoliyati davomida kiritilgan 500 ta gol bor. Shundan 100 tasi penaltilardan amalga oshirilgan.

Roziqjon Sultonmurodov

Jurnalist