Kanchelskis: «Xvicha — nomzod, ammo imkoniyati kam»
«Manchester Yunayted»ning sobiq futbolchisi Andrey Kanchelskis intervyusida Mishel Platinining «Oltin to‘p»ni «PSJ» vingeri Xvicha Kvaratsxeliya olishi kerakligi haqidagi fikriga munosabat bildirdi.
— Bu uning fikri, har bir insonning o‘z fikri bor. Platini bilan bahslashish ahmoqlik, buning nima keragi bor? Har kim o‘z fikrini bildirishi mumkin. Platini esa shaxs, fransuz. O‘z vaqtida bizda ham «Oltin to‘p»ga nomzodlar bo‘lgan — masalan, Arshavin.
Ammo jahon chempionatida o‘ynamayotgan bo‘lsangiz, qiyin. Agar terma jamoa o‘ynamasa, guruhdan chiqa olmasa, «Oltin to‘p»ni qo‘lga kiritish qiyin. Shuning uchun Xvicha nomzodlardan biri, deb o‘ylayman, ammo rostini aytsam, u bu sovrinni oladi, deb o‘ylamayman.
Agar Gruziya terma jamoasi Yevropa chempionati yoki jahon chempionati yarim finaligacha yetib borganida, u 100 foiz «Oltin to‘p»ni olar edi. Ammo har kimning o‘z fikri bor, Platinining fikri bilan bahslashmayman.
— Baribir kim favorit?
— «Oltin to‘p»ni kim olishini bilmayman, hatto aytishga ham jur’at qilmayman. Ammo boshqa futbolchilarning imkoniyati Xvichaga qaraganda yuqoriroq. U ajoyib futbolchi, «Manchester Yunayted»da Jorj Best o‘ynagan davrni eslatadi. O‘sha paytda Shimoliy Irlandiya jahon chempionatlarida o‘ynamagan, ammo klubida u eng yaxshi edi va uni butun dunyo bilardi. Xvicha bilan ham xuddi shunday vaziyat, desa bo‘ladi, dedi Andrey.
