Joau Lopesh: “Faqat Ronalduning o‘zi terma jamoadan qachon ketishini hal qilishi mumkin”
Portugaliyalik jurnalist Joau Lopesh Krishtianu Ronalduning milliy jamoadagi kelajagi haqida fikr bildirdi. Unga ko‘ra, futbolchining terma jamoadan qachon ketishini faqat Ronalduning o‘zi hal qilishi kerak. Bu haqda Lopesh Euro-Football.ru nashriga bergan eksklyuziv intervyusida aytdi.
Manbaga ko‘ra, jurnalist Ronaldu Jahon chempionatidan keyin faoliyatini yakunlamagan ekan, demak, u hali ham terma jamoaga foyda keltira olishiga ishonganini ta’kidladi. Lopesh ayni paytda nima sodir bo‘lganini hech kim aniq tushunmayotganini, biroq futbolchining Portugaliya futboliga qo‘shgan hissasiga hurmat bilan qarash kerakligini aytdi.
Shuningdek, Lopesh Portugaliyada ko‘pchilik Ronalduni qo‘llab-quvvatlayotganini ta’kidladi. Uning fikricha, 41 yoshli hujumchining terma jamoadagi maqomi va kelajagi haqida yakuniy qarorni boshqa birov emas, aynan Ronalduning o‘zi qabul qilishi kerak.
Ma’lumot uchun, Ronaldu Norvegiyaga qarshi Millatlar ligasi uchrashuvida maydonga tushmagan va 30-sentabr kuni Portugaliya terma jamoasi yig‘inini tark etgan. Hozircha futbolchining milliy jamoadagi faoliyatini rasman yakunlagani bo‘yicha aniq tasdiq yo‘q.
