Jeyms Milner futbolchilik faoliyatini yakunladi
“Brayton” yarim himoyachisi Jeyms Milner 40 yoshida professional faoliyatini yakunlaganini e’lon qildi.
Bunga qadar yarim himoyachi "Liverpul", "Manchester Siti" va boshqa bir qator Britaniya klublarida o‘ynagan. U Angliya Premer-ligasida 658 ta o‘yin o‘tkazib, eng ko‘p o‘yin o‘tkazgan futbolchi hisoblanadi.
“APLdagi 24 mavsumdan so‘ng, o‘ylaymanki, futbolchilik faoliyatimni yakunlash uchun qulay vaqt keldi. "Nyukasl", "Lids", "Aston Villa", "Manchester Siti", "Liverpul" va "Brayton" jamoalarini vakillik qilish va, albatta, "Suindon"da unutilmas bir oyni o‘tkazish — bu aql bovar qilmas sharafdir. Har bir klub mening hayotim va faoliyatimda katta rol o‘ynadi va men bunga aloqador bo‘lgan, yo‘limda menga yordam bergan barchaga minnatdorchilik bildiraman.
Men futbolni katta g‘urur, minnatdorchilik va bir umr yonimda qoladigan xotiralar bilan tark etmoqdaman. Futbol menga tasavvur qilganimdan ko‘ra ko‘proq narsa berdi va men berilgan imkoniyatlar uchun doimo minnatdor bo‘laman. Bu yo‘lning bir qismi bo‘lgan barchaga minnatdorchilik bildiraman", - deb yozdi Milner ijtimoiy tarmoqlarda.
