JCh-2026. Xorvatiya Farer orollarini mag'lub etib, JCh-2026 yo'llanmasiga ega chiqdi
Modrich navbatdagi mundialda ishtirok etishi mumkin.
ФОТО: Getty images
Jahon chempionatining navbatdagi ishtirokchisi aniq bo'ldi.
Xorvatiya terma jamoasi o'z maydonida JCh-2026 saralash guruh bosqichi doirasida Farer orollarini 3:1 hisobida mag'lub etdi.
Mezbonlardan Yoshko Gvardiol, Petar Musa va Nikola Vlashich gol urdi. Mehmonlar safida Geza David Turi o'z nomini tabloya yozdirib qo'ydi.
Natijada "L" guruhida Xorvatiya 7 o'yindan so'ng 19 ochko to'pladi va bir tur qolganida JCh-2026 yo'llanmasini qo'lga kiritdi.
L guruhi
Xorvatiya — Farer orollari 3:1
Gollar: Gvardiol 23, Musa 57, Vlashich 70 – Turi 16
