Italiya terma jamoasi bosh murabbiyligi uchun uch nafar asosiy nomzod ma'lum bo‘ldi
Italiya futbol federatsiyasi terma jamoaga yangi bosh murabbiy tayinlash ustida ish olib bormoqda. Hozircha ushbu lavozim uchun uch nafar asosiy nomzod ko‘rib chiqilmoqda.
Ma'lumotlarga ko‘ra, nomzodlar ro‘yxatidan Pep Gvardiola, Roberto Manchini va Andrea Pirlo o‘rin olgan. Federatsiya vakillari Gvardiola bilan muzokaralar ham o‘tkazgan, biroq ispaniyalik mutaxassisning murabbiylik faoliyatidagi tanaffusi bu transferni murakkablashtirmoqda.
Shu bilan birga, Roberto Manchini Italiya futbolini yaxshi bilishi va avval terma jamoa bilan Yevropa chempionligini qo‘lga kiritgani sababli jiddiy variant sifatida baholanmoqda. Andrea Pirlo esa yosh va istiqbolli mutaxassis sifatida federatsiya e'tiborida qolmoqda.
Qayd etilishicha, Italiya futbol federatsiyasi yaqin kunlarda yangi bosh murabbiy borasida yakuniy qarorni e'lon qilishi kutilmoqda.
