«Istanbul Bashakshehir» Konferensiyalar ligasi saralashida keyingi bosqichga chiqa olmadi

Yevropa Konferensiyalar ligasi saralash doirasida «Istanbul Bashakshehir» klubi mehmonda «Inter Turku»ga qarshi o‘ynadi. Finlandiyada kechgan bellashuda mezbonlar 2:0 hisobida g‘alaba qozonib, keyingi bosqichga yo‘l oldi. Jamoalarning ilk bahsida 1:1 hisobi qayd etilgandi.

Bu bahsda Eldor Shomurodov asosiy tarkibda maydonga chiqib, 77-daqiqada zaxiraga olindi. Abbosbek Fayzullayev esa ikkinchi bo‘lim avvalida o‘yinga qo‘shildi.

YEKL saralashi
Inter Turku – Bashakshehir 2:0
Gollar: Touminen 18, Yepta 47
Bashakshehir – Muhammad, Bulut, Bayram, Ba, Operi, Ozdemir (Yildirim, 46), Sari (Sahiner, 77), Gunesh, Brnich (Fayzullayev, 46), Shomurodov (da Kosta, 77), Zelke.

Ibrohim Jalolov

Redaktor