Ispaniyada JCh-2026 oldidan 2 million yevrolik qalbaki futbol formalarining yirik partiyasi musodara qilindi
Ispaniya huquq-tartibot idoralari tomonidan o‘tkazilgan maxsus operatsiya davomida qiymati qariyb 2 million yevroga teng bo‘lgan 16 tonnaga yaqin qalbaki futbol jerseylari (formalari) musodara qilindi. Sanoat mulki huquqlarini buzganlikda gumon qilinib, jami 95 kishi qo‘lga olindi. Tinchlikni saqlash kuchlari tomonidan mamlakatning 15 ta hududida, jumladan, Madrid va Barselona shaharlarida tintuv ishlari olib borildi.
Surishtiruv harakatlari JCh-2026 musobaqasi arafasida boshlangan edi. Huquqni muhofaza qilish organlari xodimlari asosan Ispaniya terma jamoasining qalbaki formalarini tarqatishga yo‘naltirilgan yirik kontrabanda oqimining baxtini kesishga muvaffaq bo‘lishdi. Politsiya hisob-kitoblariga ko‘ra, huquq egalariga yetkazilishi mumkin bo‘lgan potentsial zarar miqdori 7 million yevrodan oshadi. Musodara qilingan mahsulotlar sifat jihatidan asl nusxalardan ortda qolsada, terma jamoalarning rasmiy dizayni va ramzlarini aniq takrorlagan. Qalbaki formalarni bozorlarda, ko‘cha savdolari, marketpleyslar va ijtimoiy tarmoqlar orqali sotish rejalashtirilgan edi.
Ma’lumot uchun, futbol bo‘yicha 2026-yilgi Jahon chempionati bahslari joriy yilning 11-iyunidan 19-iyuliga qadar AQSh, Kanada va Meksika maydonlarida bo‘b o‘tmoqda. Mazkur turnirda ilk bor 48 ta milliy terma jamoa ishtirok etmoqda. Argentina terma jamoasi musobaqaning amaldagi g‘olibi hisoblanadi.