«Inter Mayami» safarda mag‘lub bo‘ldi, Messidan gol
MLS doirasidagi «Kolumbus Kryu» va «Inter Mayami» jamoalari o‘rtasidagi uchrashuv o‘z nihoyasiga yetdi. Kolumbusda bo‘lib o‘tgan bahs mezbonlarning 2:1 hisobidagi g‘alabasi bilan yakunlandi.
«Inter Mayami» tarkibida argentinalik hujumchi Lionel Messi jarima zarbasidan gol urdi.
«Kolumbus Kryu» tarkibida esa penaltini aniq amalga oshirgan Xosef Martines hamda Jamal Tiare ajralib turishdi. Mezbonlar g‘alaba golini 90+9-daqiqada kiritishdi.
Shu tariqa, «Inter Mayami» MLSda qatorasiga beshta o‘yindan beri g‘alaba qozona olmayapti (to‘rtta durang va bir mag‘lubiyat). «Kolumbus Kryu» esa o‘z navbatida ketma-ket ikkinchi g‘alabasini qo‘lga kiritdi.
MLSning navbatdagi turida «Inter Mayami» «Di-Si Yunayted» bilan kuch sinashadi, «Kolumbus Kryu» esa «Orlando Siti»ga qarshi maydonga tushadi. Ikkala uchrashuv ham 11-oktyabr kuni bo‘lib o‘tadi.
