Ilhom Aliyev: O‘zbekistonning Jahon chempionatiga chiqishi tasodif emas

Futbol 05 iyl 2025 da 05:08

Bakradze Iman

Redaktor

Ozarbayjon prezidenti Ilhom Aliyev Shavkat Mirziyoyev bilan uchrashuv chog‘ida O‘zbekiston milliy terma jamoasini 2026 yilgi futbol bo‘yicha Jahon chempionatiga chiqqani munosabati bilan tabrikladi. Bu haqda azertag.az xabar berdi.

— Bugungi uchrashuvimiz avvalida muhtaram Shavkat Miromonovichni shaxsan o‘z nomimdan va butun Ozarbayjon xalqi nomidan tarixiy yutuq — O‘zbekiston terma jamoasining Jahon chempionati final bosqichiga yo‘l olgani bilan chin qalbdan tabrikladim. Bu muvaffaqiyat tasodif emas. U o‘zbek sportchilarining xalqaro arenalardagi shonli g‘alabalari, jumladan, Olimpiya o‘yinlaridagi zafarli natijalarining uzviy davomidir, — dedi Aliyev.