Ilhom Abduganiyev: “Muxlislardan uzr so‘rayman”

Futbol 06 iyl 2025 da 08:28

Roziqjon Sultonmurodov

Jurnalist

“Andijon” – “Bunyodkor” (0:2) uchrashuvida jamoamiz a’zosi Ilhom Abduganiyev zaxiraga olingan paytda muxlislar bilan o‘rtada biroz tushunmovchilik yuzaga kelgandi. O‘yindan so‘ng futbolchi ushbu vaziyat bo‘yicha quyidagilarni aytdi:

“Albatta, g‘alabani istadik. Biroq ishqibozlarimizni xursand qila olmadik. Zaxiraga olingan paytda esa bir muxlis onamni haqorat qildi. Buning ustiga jamoam yutqazayotgan edi va o‘sha paytda hissiyotlarimni jilovlay olmadim. Haqorat qilganidan so‘ng o‘zimni ushlab tura olmadim. Albatta, bu yaxshi ish emas, shu sabab muxlislardan uzr so‘rayman”.