Ilgiz Tantashev boshchiligidagi o‘zbekistonlik hakamlar Jazoir — Avstriya uchrashuvida ishlaydi
Jazoir va Avstriya milliy terma jamoalari o‘rtasidagi uchrashuv 28-iyun kuni Toshkent vaqti bilan tonggi soat 07:00 da start oladi.
Фото: UzFHM
AQSH, Kanada va Meksika maydonlarida davom etayotgan futbol bo‘yicha Jahon chempionatining guruh bosqichi 3-turidan o‘rin olgan Jazoir hamda Avstriya terma jamoalari o‘rtasidagi uchrashuvni o‘zbekistonlik hakamlar brigadasi boshqarib boradi.
Ma’lum qilinishicha, guruh bosqichining navbatdagi muhim bahslaridan biri bo‘lgan mazkur o‘yinni boshqarish tajribali FIFA referisi Ilgiz Tantashevga ishonib topshirilgan. Qanotlarda unga doimiy yordamchilari — Andrey Sapenko va Timur Gaynullin ko‘maklashadi.
Eslatib o‘tamiz, Jazoir va Avstriya milliy terma jamoalari o‘rtasidagi uchrashuv 28-iyun kuni Toshkent vaqti bilan tonggi soat 07:00 da start oladi.
Roziqjon Sultonmurodov
Jurnalist