Ibrohim No‘monov — \"Metallurg\" futbolchisi!
Yangi mavsumga tayyorgarlikni davom ettirayotgan jamoamiz tarkibni shakllantirish, kuchaytirish ishlarini ham jadal suratlarda olib bormoqda.
Jumladan, yarim himoyachi Ibrohim No‘monov yangi mavsumda "Metallurg" sharafini himoya qiladi.
Ma`lumot uchun, No‘monov o‘tgan mavsumning dastlabki qismini "Mash’al"da boshladi va keyinchalik "Buxoro" jamoasi safiga ko‘chib o‘tdi. Umumiy hisobda Superliga va O‘zbekiston kubogi doirasida futbolchi 27 ta bahsda maydonga tushdi va 2 bor sheriklariga golli uzatma yetkazib berdi.
Ibrohim No‘monov futbolchilik faoliyati davomida "Neftchi", OKMK, "Chizre Serhat Spor" (Turkiya), "Mash’al U-21", "Mash’al", "Qo‘qon-1912" va "Buxoro" klublari safida to‘p tepgan.
Ibrohim No‘monov
Tug‘ilgan sanasi: 24.07.1996
Tug‘ilgan joyi: O‘zbekiston
Bo‘yi: 1.78
Ampluasi: Yarim himoyachi
O‘ynagan jamoalari: "Neftchi", OKMK, "Chizre Serhat Spor" (Turkiya), "Mash’al U-21", "Mash’al", "Qo‘qon-1912", "Buxoro".
