Harri Keyn Ueyn Runining Angliya terma jamoasidagi rekordini takrorladi
Angliya terma jamoasi hujumchisi Harri Keyn futbol bo‘yicha Jahon chempionati 1/4 finali doirasidagi Norvegiyaga qarshi uchrashuvda maydonga tushdi.
Shu tariqa, tajribali futbolchi "uch sherlar" safida maydonga tushgan o‘yinlar soni bo‘yicha (darvozabonlardan tashqari) Ueyn Runining rekordini takrorladi (120 ta o‘yin). Ushbu reytingda mutloq yetakchi Piter Shilton (125) hisoblanadi. Bu haqda Opta Sport statistik portali o‘zining X ijtimoiy tarmoqdagi sahifasida xabar berdi.
Eslatib o‘tamiz, 1/8 final bosqichida Norvegiya terma jamoasi Braziliyani 2:1 hisobida mag‘lub etgan bo‘lsa, Angliya Meksikadan 3:2 hisobida ustun kelgandi.
2026-yilgi Jahon chempionati 11-iyundan boshlab AQSh, Kanada va Meksika maydonlarida bo‘lib o‘tmoqda. Turnirning final bahsi 19-iyul kuni Amerikaning Ist-Raterford shahrida o‘tkaziladi. Amaldagi jahon chempioni Argentina terma jamoasi hisoblanadi.
