Hansi Flik «Barselona» yarimhimoyachisini mashgʻulotlardan chetlatdi
«Barselona» bosh murabbiyi Hans-Diter Flik yarimhimoyachi Pedro Fernandesga asosiy jamoa bilan mashg‘ulot o‘tkazishni taqiqladi. Bu haqda The Touchline xabar berdi.
Manbaga ko‘ra, «ko‘k-anorranglilar» sardorlari ushbu masala yuzasidan Flik bilan suhbatlashgan. Natijada 18 yoshli futbolchi endi «Barselona» mashg‘ulot markazida faqat individual tarzda shug‘ullanishi mumkin.
Avvalroq Pedro Fernandesga Fransiyaning «PSJ» klubi qiziqish bildirayotgani, transfer bilan esa parijliklar bosh murabbiyi Luis Enrike shaxsan shug‘ullanayotgani haqida xabarlar tarqalgan edi.
OAV ma’lumotlariga ko‘ra, «PSJ» Fernandesni yaqin vaqt ichida o‘z safiga qo‘shib olishni rejalashtirmoqda va buning uchun shartnomadagi 6 million yevrolik sotib olish bandini faollashtirishga tayyor.
