Gvardiola: «Nega Erling raqibga shunchaki tegsa ham, har safar fol aynan uning zimmasiga yozilishini tushunmayman»
«Manchester Siti» bosh murabbiyi Xosep Gvardiola Erling Holand ishtirokidagi epizodlarda hakamlar qarorlarini tanqid qildi.
«Holand — dunyodagi yagona hujumchi bo‘lsa kerak, unga nisbatan qoidabuzarliklar ko‘proq bo‘lishi kerak paytda, aksincha, u o‘zi ko‘proq qoida buzayotgan deb topiladi. Men bunday holatni hech qachon ko‘rmaganman. Mavsum boshida hakamlar barchasi aksincha bo‘lishini aytishgandi, ammo amalda mutlaqo teskari holatni ko‘ryapmiz. Nega Erling raqibga shunchaki tegsa ham, har safar fol aynan uning zimmasiga yozilishini tushunmayman va tushuna olmayman», — deya Gvardiolaning so‘zlarini keltiradi Daily Mail.
Joriy mavsumda Erling Holand barcha turnirlarda 29 ta o‘yinda maydonga tushib, 26 ta gol va 4 ta golli uzatma muallifi bo‘ldi. Transfermarkt ma’lumotlariga ko‘ra, norvegiyalik hujumchining bozor qiymati 200 mln yevroni tashkil etadi.
