Gvardiola murabbiylik faoliyati davomida faqat bitta klubni «Chelsi»dan koʻra koʻproq magʻlub etgan
Pep Gvardiola boshqaruvidagi «Manchester Siti» Angliya Premyer-ligasining 32-turida «Chelsi»ni 3:0 hisobida mag‘lub etdi. Bu g‘alaba ispaniyalik mutaxassis uchun murabbiylik faoliyati davomida «ko‘klar» ustidan qozonilgan 18-si bo‘ldi.
Gvardiola o‘z faoliyati davomida faqat bitta jamoani bundan ham ko‘proq marta mag‘lub etishga muvaffaq bo‘lgan — bu Londonning «Arsenal» klubidir. Ispaniyalik murabbiy «kanonirlar» ustidan jami 21 marotaba g‘alaba qozongan.
Ta’kidlash joizki, «Manchester Siti» 19 aprel kuni APLning 33-turi doirasida aynan «Arsenal»ga qarshi maydonga tushadi.
Ayni damda «shaharliklar» 64 ochko bilan turnir jadvalida ikkinchi pog‘onani egallab turibdi va bitta zaxira o‘yiniga ega holda «Arsenal»dan (70) olti ochko ortda qolmoqda. «Chelsi» esa 48 ochko bilan oltinchi o‘rinda bormoqda.
