Gasperini: «Ertalab uyg'onishni va Kolizeyni ko'rishni yaxshi ko'raman»
“Roma” A Seriyada 24 ochko bilan turnir jadvalida ikkinchi o'rinda bormoqda.
ФОТО: Getty images
"Roma" bosh murabbiyi Jan Piero Gasperini Rimda ertalab uni nimadan ilhomlantirayotganini tushuntirib berdi.
"Men ertalab uyg'onishni va Kolizeyni ko'rishni yaxshi ko'raman – bu, albatta, kunni boshlashning yaxshi usuli", – deya Gasperinining so'zlarini keltiradi jurnalist Janluka Di Marsio o'z veb-saytida.
Ma'lumot uchun, “Roma” bosh murabbiyi Italiya A seriyasida oktyabr oyining eng yaxshi murabbiyi deb topildi.
Italiya chempionatining 11-turidan keyin “Roma” 24 ochko bilan turnir jadvalida ikkinchi o'rinda bormoqda. “Inter” ham xuddi shunday ochkolar bilan jadvalda peshqadamlik qilmoqda.
Roziqjon Sultonmurodov
Jurnalist