“Galatasaroy” Sanega qancha maosh taklif qilayotgani ma’lum
Futbolchi "Bavariya"ni tark etishi mumkin
Photo: Getty Images
“Bavariya” vingeri Leroy Sane faoliyatini Turkiya Superligasida davom ettirishi mumkin. Bu haqda jurnalist Florian Plettenberg xabar berdi.
Qayd etilishicha, "Galatasaroy" 29 yoshli futbolchi uchun yiliga 10 million yevrolik shartnoma taklif qilgan.
Unga APL klublari ham, “Napoli” ham qiziqish bildirmoqda. Myunxen klubi hali ham futbolchi bilan shartnomani uzaytirishga umid qilmoqda va muzokaralarning yangi bosqichi bo‘lib o‘tdi. Amaldagi kelishuv shu yilning iyun oyi oxirigacha amal qiladi.
O‘tgan mavsumda Sane Bundesligada 30 ta o‘yinda maydonga tushib, 11 ta gol urdi va 5 ta golga assistentlik qildi.
Roziqjon Sultonmurodov
Jurnalist