Futbolchilarning ekipirovka talablari bo‘yicha ogohlantirish
Musobaqalar davomida futbolchilarning ekipirovkasi bo‘yicha talablar Futbol o‘yinlari qoidalari asosida qat’iy nazorat qilinadi.
Unga ko‘ra:
Futbolchining majburiy ekipirovkalari quyidagi qismlardan iborat:
- engli futbolka;
- shorti;
- getra (paypoq) — tashqi tomondan yopishtirilgan yoki unga o‘ralgan lenta yoki boshqa material getraning o‘sha qismi rangi bilan bir xil bo‘lishi kerak;
- shitkalar (shinguard) — ular maxsus materialdan tayyorlangan bo‘lishi, yetarli himoya ta’minlaydigan o‘lchamda bo‘lishi va getra bilan to‘liq yopilgan bo‘lishi kerak;
- shortikning tagidan kiyiladigan kiyim/triko shortikning asosiy rangi yoki quyi qismi rangi bilan bir xil bo‘lishi kerak va bitta jamoa o‘yinchilari bir xil rangdan foydalanishlari zarur.
Shu munosabat bilan jamoalardan futbolchilarning maydonga chiqishdan oldin ekipirovkalari belgilangan talablarga to‘liq mos bo‘lishi ta’minlanishi zarur.
Qoidalarga zid holatlar aniqlangan taqdirda futbolchi kamchilik bartaraf etilmaguncha o‘yinga qo‘yilmasligi, zarur holatlarda esa maydonga tushirilmasligi mumkin.
Ma’lumot uchun, ushbu holat bo‘yicha qat’iy chora ko‘rish 15 mart kuni bo‘lib o‘tadigan Superkubok bahsidan boshlab amalga oshiriladi.
