Futbol. Farg'ona viloyati hokimi Xayrullo Bozorov “Qo‘qon–1912” futbol jamoasining fan-klubi yetakchi a’zolari bilan uchrashdi
Farg'ona viloyati hokimi Xayrullo Bozorov “Qo‘qon–1912” futbol jamoasining fan-klubi yetakchi a’zolari bilan uchrashdi.
Uchrashuvda ishqibozlarga jamoaning Superligadagi ishtiroki hamda kelgusidagi rejalari yuzasidan atroflicha ma’lumot berildi.
Viloyat hokimi futbol avvalo muxlislar uchun ekanini ta’kidlab, bu borada fan-klub a’zolarining qo‘llab-quvvatlashi jamoa uchun g‘oyat muhim ekanini qayd etdi. “Qo‘qon–1912” jamoasi oldida yangi mavsumda mas’uliyatli va zalvorli o‘yinlar turgani, fan-klub faolligini yanada oshirish, muxlislar safini kengaytirish zarurligi bildirildi.
Qo‘qon universiteti fan-klubini homiylikka olish bo‘yicha tashabbus bildirdi. Shuningdek, fan-klub yetakchi a’zolari rahbariyat tomonidan har tomonlama qo‘llab-quvvatlanishi, zarur sharoitlar yaratilishi ma’lum qilindi.
Uchrashuv davomida fan-klub a’zolarining taklif va tashabbuslari tinglandi.
