Futbol bo‘yicha O‘zbekiston Kubogining ikki o‘yini bo‘lib o‘tdi
1-aprel kuni futbol bo‘yicha O‘zbekiston kubogi doirasida ikkita o‘yin bo‘lib o‘tdi.
Dastlabki uchrashuv soat 14:00da boshlanib, unda «Andijon Akademiya» hamda «Kattaqurg’on» jamoalari maydonga tushdi. O‘yin andijonliklarning katta ustunligi bilan yakunlandi, «Kattaqurg’on» 94-daqiqada penalti tepish uchun ajoyib imkoniyatga ega edi, ammo afsuski, buni amalga oshira olmadi. Yakuniy hisob 3:0.
Soat 16:30da boshlangan ikkinchi o‘yinda «Namangan akademiyasi» hamda «Ahmedov» klublari o‘zaro bahs olib bordi. Ikkala jamoaning barcha gollari ikkinchi bo‘limda urildi. Uchrashuvda hisob 3:1 ko‘rinishida namanganliklar foydasiga hal bo‘ldi.
O‘zbekiston kubogi.
Andijon Akademiya - Kattaqo‘rg‘on - 3:0
Gollar: Fozilov 24, 74, Zuhriddinov 82.
Namangan akademiyasi - Ahmedov - 3:1
Gollar: Abdumo‘taliyev 56, Yo‘lchiyev 58, Abdurahmonov 90+3 - Nasrullayev 90.
