«Fulhem» Silva uchun uch yillik shartnoma taklif qildi

“Fulhem” bosh murabbiyi Marku Silva bilan shartnomani uzaytirishga tayyor, deya xabar beradi BBC.

Manbaga ko‘ra, Silva klub egasi Shahid Xon bilan so‘nggi FIFA kunlarida bo‘lib o‘tgan muzokaralardan so‘ng “Fulhem”dan uzoq muddatli kelishuv bo‘yicha taklif olgan. Yangi shartnoma 3 yilga mo‘ljallangan.

Klub Silvaning jamoada qolishini istamoqda, chunki mutaxassisning amaldagi shartnomasi kelayotgan yozda yakunlanadi.

Klub natijalari ko‘zga ko‘rinarli darajada bo‘lmayotganiga qaramay, Silva jamoa bilan 4 yildan beri faoliyatini davom ettirib kelmoqda.

Roziqjon Sultonmurodov

Jurnalist