Florentino Peres g‘alaba qozonsa, Joze Mourinyu «Real»ga qaytishi mumkin
«Benfika» Madridning «Real» klubi prezidenti Florentino Peres Lissabon jamoasini rasman ogohlantirgani haqida e’lon qildi. Unga ko‘ra, agar Peres prezidentlik saylovlarida g‘alaba qozonsa, «qirollik klubi» portugaliyalik bosh murabbiy Joze Mourinyu bilan shartnomani muddatidan avval bekor qilish uchun «Benfika»ga 15 million yevro tovon puli to‘lab beradi. Bu haqda The Athletic xabar bermoqda.
«Qirollik klubi»da prezidentlik saylovlari 7 iyun kuni bo‘lib o‘tadi.
Joze Mourinyu 2025 yilning sentyabr oyidan buyon «Benfika»ni boshqarib kelmoqda. Portugaliyalik mutaxassisning klub bilan amaldagi mehnat shartnomasi 2027 yilning yoziga qadar mo‘ljallangan. Ma’lumot uchun, Mourinyu muqaddam 2010 yildan 2013 yilga qadar ham «Real» jamoasini boshqargan.
