«Fiorentina» qishda Destiny Udogieni transfer qilishni ko‘rib chiqmoqda
«Fiorentina» «Tottenham» himoyachisi Destiny Udogieni qishki transfer oynasida o‘z safiga qo‘shib olish imkoniyatini ko‘rib chiqmoqda. Bu haqda SportsMole xabar berdi.
Italiya klubining sport direktori Fabio Paratichi 23 yoshli futbolchini A Seriyaga qaytarishdan shaxsan manfaatdor. Paratichi avval «Tottenham»da faoliyat yuritgan va aynan 2022-yilda Udogiening London klubiga transferini tashkil qilgan.
«Fiorentina»ga chap qanot himoyachisi zarur bo‘lib qoldi. Jamoaning ushbu pozitsiyadagi asosiy futbolchilaridan biri Fabiano Parizi xochsimon boylamidan jarohat olgan. Shu sababli florensiyaliklar hozirda mazkur pozitsiyada markaziy himoyachilar Vieri va Viktor Valdepenyas xizmatidan foydalanishga majbur bo‘lmoqda.
Udogie esa joriy mavsumda «Tottenham»ning asosiy tarkibidagi o‘rnini yo‘qotdi. Italiyalik himoyachi APLda 5 ta uchrashuvda maydonga tushgan bo‘lsa, shularning faqat bittasida start tarkibida harakat qilgan.
Shuningdek, Udogiening A Seriyaga qaytishi futbolchi uchun ham yangi imkoniyat bo‘lishi mumkin. «Fiorentina» esa qishki transfer oynasida himoya chizig‘ini kuchaytirish uchun uning transferini amalga oshirish imkoniyatini o‘rganmoqda.
