FIFA Prezidenti mamlakatimiz mezbonlik qilgan JCHni eslab o‘tdi
FIFA Prezidenti Janni Infantino o‘zining rasmiy sahifasida O‘zbekistonni FIFA U-20 Jahon chempionati mezbonligi bilan tabrikladi va 2024 yili mamlakatimizda o‘tkazilgan futzal bo‘yicha Jahon chempionatini eslab o‘tdi.
"O‘tgan yili bo‘lib o‘tgan FIFA futzal bo‘yicha jahon chempionati finalidagi ishtirokim ajoyib xotiralar qoldirdi. O‘sha musobaqada Braziliya jamoasi tarixda rekord darajada — oltinchi bor chempionlikni qo‘lga kiritdi!
Turnirga O‘zbekiston yuqori saviyada mezbonlik qildi — yaqinda esa mamlakat 2027 yilgi FIFA U-20 jahon chempionati hammezboni sifatida e’lon qilindi. Mahalliy muxlislarning o‘yindan olgan zavqi va futbolga bo‘lgan muhabbatini ko‘rib, juda xursand bo‘ldim", — deb yozdi Infantino o‘zining "Instagram"dagi rasmiy sahifasida.
