FIFA 2030 yilgi Jahon chempionatini 64 jamoa ishtirokida o‘tkazishni rejalashtirmoqda
Taklif qilinayotgan formatda mundial ishtirokchilari 16 ta guruhga bo‘linadi.
ФОТО: Getty images
FIFA 2030-yilda bo‘lib o‘tadigan futbol bo‘yicha Jahon chempionatini 64 ta terma jamoa ishtirokida tashkil etishga tayyor. Bu haqda Argentinaning Ole nashri xabar berdi.
Manbaga ko‘ra, tashkilot Janubiy Amerika futbol konfederatsiyasi – KONMEBOLning musobaqa ishtirokchilar sonini kengaytirish taklifini qo‘llab-quvvatlashga tayyor.
Taklif qilinayotgan formatda mundial ishtirokchilari 16 ta guruhga bo‘linadi. Guruhlarning har biridan 4 tadan jamoa joy oladi. Guruh bosqichidan har guruhdan ikki eng yaxshi jamoa pley-off bosqichiga yo‘l oladi.
Roziqjon Sultonmurodov
Jurnalist