Farioli “Portu” bosh murabbiyi lavozimini egalladi
Photo: Getty Images
Francesco Farioli "Portu"ning yangi bosh murabbiyi bo‘ldi.
36 yoshli mutaxassis 2027 yil iyuniga qadar shartnoma imzoladi. Italiyalik mutaxassis avvalroq “Ayaks” va “Nitsa”ni boshqargan.
U o‘tgan yili “Ayaks” bilan Niderlandiya chempionatida 2-o‘rinni egallagan. Mavsum yakunida o‘z xohishiga ko‘ra lavozimini tark etgandi.
Farioli murabbiy sifatida Martin Anselmini almashtirdi, uning qo‘l ostida "Portu" so‘nggi Portugaliya chempionatida 3-o‘rinni egalladi va joriy klublar o‘rtasidagi jahon chempionatida guruhda uchinchi o‘rinni egallab, pley-offga chiqa olmadi.
