\"Everton\" Uoker bo‘yicha muzokaralarga kirishdi

Futbol 17 iyn 2025 da 10:02

Roziqjon Sultonmurodov

Jurnalist

Kyle Uoker faoliyatini “Everton”da davom ettirishi mumkin. Bu haqda jurnalist Ben Jeykobs xabar berdi.

35 yoshli futbolchi o‘tgan mavsumni “Milan”da ijarada o‘tkazdi. Biroq u “rossonerilar”da qolmasligi aniq bo‘ldi.

O‘z navbatida, “Manchester City” ham Uoker bilan xayrlashmoqchi. “Everton” esa Kaylni o‘z safiga qo‘shib olishga tayyor. Klub allaqachon futbolchining vakillari bilan aloqa o‘rnatgan.

Uoker o‘tgan mavsumda “Milan” safida A Seriya klubi tarkibida 14 o‘yinda maydonga tushdi. Futbolchining transfer qiymati 5 million yevroni tashkil etadi.