Donis: «Ispaniyani to'xtatib qola olmadik, juda ko'p xatoga yo'l qo'ydik»
Saudiya Arabistoni terma jamoasi bosh murabbiyi Georgios Donis Ispaniyaga qarshi o‘yin (0:4) natijalarini sarhisob qildi.
“Biz Ispaniyani o‘z jarima maydonchamiz yaqinida to‘xtatib qola olmadik va juda ko‘p xatolarga yo‘l qo‘ydik. O‘yin o‘xshamaganida va tezda uchta gol o‘tkazib yuborsang, o‘ziga ishonchsizlik paydo bo‘ladi. Biz jamoani tinchlantirdik, ammo bu futbolchilarga ta’sir qildi. Bunday holatlar yirik turnirlarda tez-tez uchrab turadi. Bu aniq. Bu yerda hech qanday qo‘rquv yo‘q, biroq ishlar yurishmaganda o‘ziga ishonchsizlik hissi paydo bo‘ladi.
Yamal kabi individual sifatlarga va bir-biriga qarshi vaziyatda aldab o‘tish qobiliyatiga ega futbolchilar maydonda farq yarata oladi. U buni Ispaniyada muntazam ravishda isbotlab kelmoqda. U optimal jismoniy holatga kirib olsa, yanada samaraliroq bo‘ladi”, — deya Donisning so‘zlaridan iqtibos keltiradi FIFA rasmiy sayti.
JCh-2026 guruh bosqichining so‘nggi turida Saudiya Arabistoni 27 iyun kuni Kabo-Verde terma jamoasi bilan uchrashadi.
