Doku jarohat tufayli safdan chiqdi

"Manchester Siti" vingeri Jeremi Doku Angliya Superkubogi uchun "Arsenal"ga qarshi bahsda boldir mushagidan jarohat oldi. Bu haqda Nieuwsblad nashri xabar bermoqda.

Manbaga ko'ra, belgiya futbolchisi APL doirasida kamida bitta o'yinni o'tkazib yuborishi mumkin.

So'nggi vaqtlarda Doku nafaqat shoshilinch tibbiy yordam bo'limiga murojaat qilishiga sabab bo'lgan nafas yo'llarining og'ir infeksiyasiga, balki to'pig'idan olgan jarohatiga ham duch keldi. Shu sababli futbolchi jamoa bilan mavsumoldi tayyorgarligida to'liq ishtirok eta olmadi.

Eslatib o'tamiz, "Manchester Siti" Angliya Superkubogida "Arsenal"ga yirik hisobda mag'lub bo'ldi.

Roziqjon Sultonmurodov

Jurnalist

0 0 0 0 0 0