«Dinamo» Toshkentda yig‘inga kirdi
"Dinamo" jamoasining poytaxtdagi yig‘ini 27 iyun kuniga qadar davom etadi.
Фото: Динамо ПФК
"Dinamo" jamoasi 20 kunlik tanaffusdan so‘ng mavsumning ikkinchi qismiga tayyorgarlikni boshladi.
Vadim Abramov boshchiligidagi Samarqand jamoasi 9 iyun kuni Toshkentga yo‘l olib, o‘quv-mashg‘ulot yig‘iniga kirishdi. Hozirda Azizbek Amonov va Jahongir O‘rozov O‘zbekiston milliy jamoasi safida JCH-2026ga tayyorgarlik ko‘rayotgan bo‘lsa, Firdavs Abdurahmonov va Oybek O‘rmonjonov O‘zbekiston yoshlar jamoasi safida yig‘inda ishtirok etmoqda. Tarkibdagi qolgan futbolchilar jamoamiz yig‘iniga kelib qo‘shilmoqda.
"Dinamo" jamoasining poytaxtdagi yig‘ini 27 iyun kuniga qadar davom etadi. Vakillarimiz ushbu oraliqda bir qator nazorat uchrashuvlari o‘tkazishni rejalashtirgan.
Roziqjon Sultonmurodov
Jurnalist