Dibala qancha muddatga safdan chiqqani ma'lum
Futbolchi “Milan”ga qarshi A Seriya o‘yinida jarohat olgandi.
ФОТО: Getty images
“Roma” hujumchisi Paulo Dibala jarohati sababli safdan chiqdi, deya xabar bermoqda jurnalist Gianluca Di Marzio.
Ma'lumotlarga ko‘ra, argentinalik 31 yoshli futbolchi sonidan olgan jarohati tufayli kamida uch hafta davomida jamoasiga yordam bera olmaydi.
Futbolchi “Milan”ga qarshi A Seriya bahsida jarohat olgandi. Tibbiy ko‘rik natijasida u uch hafta davomida “bo‘rilar”ga yordam bera olmasligi ma’lum qilindi.
Ma’lumot uchun, Dibala Italiya chempionatining joriy mavsumida sakkizta o‘yin o‘tkazib, bitta gol urdi va bitta golli uzatma amalga oshirdi.
Roziqjon Sultonmurodov
Jurnalist
