Di Mariya \"Benfika\" bilan klublar o'rtasidagi JChga boradi
Photo: Getty Images
Argentinalik vinger Anxel Di Mariya “Benfika” bilan qisqa muddatga shartnomasini uzaytiradi. Bu haqda A Bola xabar berdi.
Qayd etilishicha, u lissabonliklar bilan klublar o'rtasidagi jahon chempionatida ishtirok etadi. 37 yoshli argentinalik va lissabonliklar o'rtasida shartnomani yana ikki haftaga – iyul oyi o'rtalariga qadar uzaytirish bo'yicha kelishuvga erishilgan.
Klublar o'rtasidagi jahon chempionati guruh bosqichida "Benfika" "Boka Xuniors," "Oklend Siti" va "Bavariya"ga qarshi bahs olib boradi.
Roziqjon Sultonmurodov
Jurnalist