De Bryuyne Fransiyaga qarshi o‘yinda hakamni turtib yubordi
Belgiya terma jamoasi yarim himoyachisi Kevin De Bryuyne Millatlar ligasi guruh bosqichi 2-turida Fransiyaga qarshi uy uchrashuvida (0:1) o‘zini nomaqbul tutdi, deb xabar bermoqda Het Laatste Nieuws.
Manba ma’lumotiga ko‘ra, hakam 35 yoshli belgiyalik futbolchidan unga tibbiy yordam ko‘rsatilganidan so‘ng maydonni tark etishni talab qilgan. De Bryuyne bu qarorga hissiyot bilan munosabat bildirib, hakamga nisbatan keskin so‘zlar ishlatgan va uni turtib yuborgan.
Tibbiy yordam olgan futbolchi o‘yinga qaytishdan oldin bir daqiqa maydon tashqarisida bo‘lishi shart. De Bryuyne Belgiya terma jamoasi safida 126 ta o‘yin o‘tkazgan va 38 ta gol urgan.
Belgiya terma jamoasi ikki o‘yindan keyin 3 ochko jamg‘arib, Millatlar ligasi «A» divizioni 1-guruhida ikkinchi o‘rinni egallab turibdi.
