Daniel Farke: Biz albatta, autsayder hisoblanardik, lekin g‘alaba qozona olmaganimizdan biroz hafsalamiz pir bo‘ldi

"Lids Yunayted" bosh murabbiyi Daniel Farke Premer-liganing 20-turida "Manchester Yunayted" bilan durang o‘yin haqida fikr bildirdi.

"Manchester Yunayted"ga qarshi uy uchrashuvida qo‘lga kiritilgan bitta ochko har doim yaxshi natijadir.

Premer-ligaga yangi ko‘tarilgan jamoa sifatida biz, albatta, autsayder hisoblanardik, lekin g‘alaba qozona olmaganimizdan biroz hafsalamiz pir bo‘ldi.

Biz biroz charchagandek ko‘rindik va asosiy o‘yinchilarimiz ko‘p emas edi.

Futbol nuqtayi nazaridan, bu bizning eng yaxshi o‘yinimiz bo‘lmagan bo‘lishi mumkin, ammo biz juda yaxshi himoyalanish va oldinga siljish yo‘lini topdik, shuning uchun g‘alaba qozonishimiz mumkin edi", dedi murabbiy.

Ibrohim Jalolov

Redaktor