\"Chelsi\"ning sobiq futbolchisi faoliyatini yakunladi

Futbol 01 iyl 2025 da 13:20

Roziqjon Sultonmurodov

Jurnalist

Londonning “Chelsi” jamoasining sobiq futbolchisi Charli Musonda professional faoliyatini yakunladi.

Belgiya futbolchisi 2012 yilda “Chelsi”ga ko‘chib o‘tgandi. Biroq London klubida asosiy tarkibga kira olmagan va bir nechta jamoalarda ijaraga o‘ynagan. Xususan, “Betis”, “Seltik” va “Vites” klublarida ham to‘p surgan.

Musonda Belgiya futbolining kelajagi sifatida ko‘rilgan. 2022 yilda “Levante”da o‘ynagan. Keyinchalik Kiprning “Anortosis” klubida bir muddat to‘p tepdi. Biroq u yerda ham faoliyati kutilganidek bo‘lmadi va 2024 yil sentabrda Kiprni tark etdi.

Shundan so‘ng bir yil davomida maydonga tushmagan edi. Oxir-oqibat u faoliyatini yakunlashga qaror qildi.