«Chelsi» Lakrua bilan muzokaralarni boshladi
“Chelsi” Fransiya terma jamoasi va “Kristal Pelas”ning markaziy himoyachisi Maksans Lakruaning transferi bo‘yicha muzokaralarda sezilarli siljish qayd etdi. Bu haqida TEAMtalk xabar bermoqda.
Manbaga ko‘ra, 26 yoshli futbolchi “ko‘klar” safida to‘p surishga ochiq.
Ta’kidlanishicha, Lakruani sotib olish jamoaning himoya markazidagi yagona kuchayish bo‘lmasligi kerak.
O‘tgan mavsumda Lakrua barcha musobaqalarda 55 ta o‘yinda ishtirok etib, uchta gol va uchta golli pas muallifi bo‘ldi. Futbolchining klub bilan amaldagi mehnat shartnomasi 2029 yil yozigacha mo‘ljallangan.
Transfermarkt portalida keltirilgan ma’lumotlarga ko‘ra, futbolchining bozor narxi 50 million yevroni tashkil etadi.
Hozirgi vaqtda Lakrua Fransiya terma jamoasi tarkibida 2026 yilgi jahon chempionatida to‘p surmoqda.
