\"Chelsi\" ikki futbolchisi \"Yurgorden\"ga qarshi o‘ynamaydi
Photo: Getty Images
"Chelsi"ning ikki futbolchisi hujumchi Kristofer Nkunku va darvozabon Robert Sanches UEFA Konferensiyalar Ligasi yarim finalining birinchi o‘yiniga Shvetsiyaga bormadi.
Jurnalist Ben Jeykobs xabar berishicha, germaniyalik hujumchi mashg‘ulot vaqtida kichik jarohat olgan, ispaniyalik darvozabon esa Angliya Premer-ligasining 34-turidan o‘rin olgan "Everton"ga qarshi o‘yinda (1:0) jarohat olgan. Natijada, ikkalasi ham "Yurgorden"ga qarshi uchrashuvda maydonga tushmaydi.
Eslatib o‘tamiz, "Yurgorden" – "Chelsi" uchrashuvi 1 may kuni bo‘lib o‘tadi.
Roziqjon Sultonmurodov
Jurnalist
