Chatchua – «Vulverhempton» futbolchisi
Фото: Getty Images
Jekson Chatchua APLda toʻp tepadi.
"Vulverhempton" klubi 24 yoshli himoyachining transferini eʼlon qildi.
U "boʻrilar" bilan 5 yillik shartnoma imzoladi. Kelishuvni yana bir yilga uzaytirish mumkin.
Chatchuaning transferi uchun ingliz klubi "Verona"ga 12,5 million yevro toʻlaydi.
Oʻtgan mavsumda kamerunlik futbolchi A Seriyada 36 oʻyinda maydonga tushib, 2 ta gol urgandi. U 36,3 km/soat tezlik qayd etib, Italiyada mavsumning eng tezkor oʻyinchisiga aylangandi.
Maʼlumot uchun, Chatchua "Verona"gacha Belgiya "Sharlerua" klubida ham harakat qilgan.
