«Bavariya» Florian Virtzni kuzatishda davom etmoqda
Uning transfer qiymati 100 million yevro atrofida baholanmoqda.
ФОТО: Getty images
Myunxenning «Bavariya» klubi hozirda «Liverpul» safida to‘p surayotgan nemis yarim himoyachisi Florian Virtzga bo‘lgan qiziqishini saqlab qolmoqda.
Jurnalist Ekrem Konurning ma’lum qilishicha, nemis gegemoni «Liverpul»dagi futbolchining holatini diqqat bilan kuzatmoqda. Biroq hozircha «Bavariya» Virtz bo‘yicha rasmiy taklif bilan chiqishni rejalashtirmayapti.
23 yoshli futbolchi o‘tgan yozda «Bayer»dan «Liverpul»ga ko‘chib o‘tgan va mersisaydliklar bilan besh yillik shartnoma imzolagan. Uning transfer qiymati 100 million yevro atrofida baholanmoqda.
Virtz joriy APL mavsumida to‘rtta uchrashuvda maydonga tushib, bitta golli uzatmani amalga oshirdi.
