«Aston Villa» Ordoñez transferini yakunlash arafasida
"Aston Villa" tez orada ekvadorlik himoyachi Joel Ordoñez transferini yakunlashi mumkin. Bu haqda The Athletic nashri xabar berdi.
Manbaga ko'ra, 22 yoshli futbolchi yaqinda "Arsenal"ga o'tgan Ezri Konsaning o'rnini egallashi mumkin.
Birmingemliklar hozirda Joel bo'yicha "Bryugge" bilan muzokaralarni faollik bilan olib bormoqda. Yaqin vaqt ichida tomonlar kelishuvga erishishi kutilmoqda.
Ordoñez 2022 yil avgust oyida Ekvador chempionatidan "Bryugge" safiga ko'chib o'tgan. Markaziy himoyachi Ekvador milliy terma jamoasi safida 20 ta uchrashuvda maydonga tushgan va JCH-2026 uchun jamoa qaydnomasi tarkibidan ham joy olgan.
O'tgan mavsumda Ordoñez barcha turnirlarda 46 ta uchrashuvda qatnashib, 4 ta gol urgan. Shuningdek, u 6 marta sariq va 2 marta qizil kartochka olgan.
