Arteta: «Ajoyib muhit va jamoani doimiy qoʻllab-quvvatlayotganingiz uchun barchangizga tashakkur»

«Arsenal» bosh murabbiyi Mikel Arteta London klubi muxlislariga murojaat qildi. Mutaxassis jamoani qo‘llab-quvvatlayotgan fanatlarga minnatdorlik bildirdi hamda mavsumning ikkinchi yarmida «kanonirlar» uchun muxlislar yordami nihoyatda muhim ekanini alohida ta’kidladi.

«Biz yana kurashamiz! Ajoyib muhit va jamoani doimiy qo‘llab-quvvatlayotganingiz uchun barchangizga katta rahmat! Hozir APLda juda qulay pozitsiyadamiz va shu ruhda davom etishimiz kerak. Mavsum hali qizg‘in pallada, muxlislar yordami biz uchun juda zarur», — deya Artetaning so‘zlarini keltiradi London klubining rasmiy sayti.

Eslatib o‘tamiz, 21-tur yakunlariga ko‘ra «Arsenal» Angliya Premer-ligasi turnir jadvalida peshqadamlik qilmoqda.

Nasrullo Karimov

Jurnalist