«Arsenal», «Yuventus» va «Chelsi» Reshfordga qiziqish bildirmoqda
«Arsenal», «Yuventus» va «Chelsi» klublari ayni damda ijara asosida «Barselona»da to‘p surayotgan «Manchester Yunayted» hujumchisi Markus Reshfordni sotib olmoqchi. Bu haqda Football365 nashri xabar bermoqda.
Manbaning ma’lumotlariga ko‘ra, Kataloniya klubi vingerni o‘z safida olib qolmoqchi, biroq hozircha uni yana bir bor ijaraga olish variantini ko‘rib chiqmoqda. O‘z navbatida, «qizil iblislar» 28 yoshli futbolchini sotib, «katta miqdorda daromad» olishni rejalashtirgan. Qayd etilishicha, «Manchester Yunayted» o‘z raqiblarini kuchaytirib yubormaslik uchun Reshfordni «Arsenal» yoki «Chelsi»ga sotishdan bosh tortishi mumkin.
Joriy mavsumda Reshford barcha turnirlarda 38 ta o‘yinda ishtirok etib, 10 ta gol va 13 ta golli uzatmaga mualliflik qildi. Transfermarkt portali taqdim etgan ma’lumotlarga ko‘ra, futbolchining bozor qiymati 40 million yevroni tashkil etadi.
