«Arsenal» va «Barselona» «Chelsi» hujumchisini o'z tarkibiga qo'shishni istamoqda

Yevropaning yetakchi klublari — Londondagi «Arsenal» va Kataloniyadagi «Barselona» jamoalari «Chelsi» forvardi Kristofer Nkunkuga jiddiy qiziqish bildirmoqda. Bu haqda Teamtalk nashri xabar berdi.

Manbaga ko'ra, «Arsenal» bosh murabbiyi Mikel Arteta fransiyalik futbolchini o'z taktik sxemasiga mos deb biladi va uni jamoa hujumi uchun muhim kuch sifatida ko'rmoqda. Shu bilan birga, «Barselona» ham Nkunkuni kuzatishda davom etmoqda va uni transfer qilish imkonini ko'rib chiqmoqda.

Futbolchining taxminiy transfer narxi 45 million yevro etib baholanmoqda. Angliya premer-ligasining joriy mavsumida Nkunku 42 uchrashuvda maydonga tushib, 14 ta gol urdi va 5 ta golli pas amalga oshirdi. Eslatib o'tamiz, u «Chelsi» safiga 2023 yil qo'shilgan.

Bakradze Iman

Redaktor