\"Arsenal\" Uotkinsni sotib olmoqchi

Londonning "Arsenal" klubi markaziy hujumchi qidirishda davom etmoqda.

Record nashri xabariga ko‘ra, "to‘pchilar" diqqat-e'tiborini "Aston Villa" hujumchisi Olli Uotkinsga qaratgan.

Klub vakillari futbolchining agenti bilan uchrashuv o‘tkazdi. "Aston Villa" moliyaviy sabablarga ko‘ra uni sotishni ko‘rib chiqishga tayyor. Uotkinsning narxi 40 million yevro.

O‘tgan mavsumda 29 yoshli futbolchi barcha musobaqalarda 54 ta o‘yinda 17 ta gol urdi va 14 ta golli uzatmani amalga oshirdi.

Roziqjon Sultonmurodov

Jurnalist