«Arsenal» futbolchisi Bundesligaga yo‘l olishi mumkin
Photo: Getty Images
“Arsenal” yarim himoyachisi Fabiu Vieira faoliyatini Germaniya chempionatida davom ettirishga yaqin.
The Athletic xabariga ko‘ra, portugaliyalik futbolchi “Shtutgart” bilan muzokara o‘tkazmoqda.
Londondikilar 2022 yilda "Portu"dan 35+5 mln yevroga sotib olingan futbolchi uchun "katta" pul so‘rashi mumkin. Hozirda klublar muzokara o‘tkazishmoqda. Hali bir qarorga kelishmagan.
Vieira o‘tgan mavsumni "Portu"da ijarada o‘tkazdi. U Portugaliya chempionatida 26 ta o‘yinda maydonga tushib, 4 ta gol va 4 ta golli uzatmaga mualliflik qilgan.
