Arne Slot: Endi biz Isakka chinakamiga, adolat bilan baho berishimiz mumkin
Liverpul bosh murabbiyi klubning yangi transferi Aleksandr Isak haqida fikr bildirdi.
photo: gettyimages
"Liverpul" bosh murabbiyi Arne Slot hujumchi Aleksandr Isakning holati haqida gapirdi. Shved sentyabr oyi boshida mersisaydliklar safiga "Nyukasl"dan kelib qo‘shildi.
"Isak endi besh-olti hafta mavsumoldi tayyorgarlikdan o‘tdi, deyish mumkin. Jismoniy tayyorgarlik nuqtayi nazaridan u kerakli darajaga yaqin. Endi biz unga chinakamiga, adolat bilan baho berishimiz mumkin. Uning mavsumoldi tayyorgarlik jarayoni yakunlandi, u allaqachon bir nechta o‘yin o‘tkazdi. Yaqin haftalarda uning qanday holatda ekanligini ko‘ramiz," - dedi Slot matbuot anjumanida.
"Liverpul" safidagi oltita o‘yinda Aleksandr Isak bitta gol urdi va sherigiga bitta golli uzatmani amalga oshirdi.
Ibrohim Jalolov
Redaktor
