AQSh elchisi O‘zbekiston milliy jamoasi a’zolari bilan uchrashdi
Фото: ЎФА
Futbol bo‘yicha 2026 yilgi Jahon chempionati mezboni AQShning Global hamkorlik bo‘yicha maxsus vakili Paolo Zampolli va AQShning O‘zbekistondagi elchisi Jonatan Henik milliy terma jamoamiz bilan uchrashdi.
Uchrashuvda O‘zbekiston Respublikasi Sport vaziri Adham Ikramov va O‘FA birinchi vitse-prezidenti Ravshan Ermatov ham ishtirok etdi.
Maxsus vakil Paolo Zampolli AQSh rahbariyati nomidan terma jamoamizni 2026 yilgi Jahon chempionatiga yo‘llanma olgani bilan tabriklab, kelgusi uchrashuvlarda omad tiladi. Shuningdek, u AQSh mezbonligida o‘tadigan mundial nafaqat sport, balki do‘stlik, innovatsiya va hamkorlik ramzi bo‘lishini ta’kidladi.
Mehmonlarga futbolchilarimiz imzo chekkan to‘plar esdalik sovg‘asi sifatida topshirildi.
Roziqjon Sultonmurodov
Jurnalist